ISLEX er fleirmálslig orðabók á netinum. Orðabókin gongur úr íslendskum í danskt, svenskt, norskt bókmál, nýnorskt, føroyskt og finskt.

ISLEX er samstarv millum seks norðurlendskar granskingarstovnar í Íslandi, Danmark, Noregi, Svøríki, Føroyum og Finnlandi. Teir eru Stofnun Árna Magnússonar í íslenskum fræðum (SÁM) í Reykjavík, Det Danske Sprog- og Litteraturselskab í Keypmannahavn, Institutt for lingvistiske, litterære og estetiske studier við universitetið í Bergen, Institutionen för svenska språket við universitetið í Gøteborg, Fróðskaparsetur Føroya í Tórshavn og universitetið í Helsingfors.

Íslendska ritstjórnin hevur ábyrgd av íslendska partinum umframt sniði og menning av dátugrunninum, meðan týðingararbeiðið fer fram í hvørjum landi sær undir umsjón av eini ritstjórn. Allar orðabøkurnar eru atgeingiligar og ókeypis á hesari síðu.